Алматы қаласында сапалы аударма қызметтерін ұсынатын «Галилео» аударма агенттігі барша қазақстандықтарды 1 мамыр – Қазақстан халықтарының бірлігі күні мерекесімен құттықтайды. Елімізге тыныштық пен тұрақтылық, халықтар арасындағы ынтымақ пен берекенің бұзылмауын тілейміз.
Біздің аударма бюромыз көптеген ұлттар мен ұлыстардың ошағына айналған Алматы қаласында өз қызметтерін ұсынады. Осы орайда, адамдардың түрі мен тілінің әр түрлі болуы олардың арасындағы бейбіт қатынасқа ықпал етпеуі керек деп есептейді агенттік қызметкерлері. «Галилео» аударма агенттігінде бірнеше ұлттардың өкілдері жұмыс жасайды және 30 астам тілдерге аударма қызметтері ұсынылады, ұжымның татулығы мен ауызбіршілігі бұзылған емес.
Бір шаңырақ астындағы халқымыздың ынтымақтастығы мен өзара ауызбірлігіміз нығая түсіп, республикамыздағы ұлтаралық татулық әрдайым берік болып, достық, бірлік мәңгі жасай берсін!
Русский
Қазақша
English